U3F1ZWV6ZTMzOTMwMzA2ODk1X0FjdGl2YXRpb24zODQzODM1NjM3NzY=

مصطلحات اعرف معناها مثل Content و Copyright وغيرهم

تعرف على مصطلح Content و Article و Copy و Copywriter و Content Creator و Copyrights

تعرف على مصطلح Content و Article و Copy و Copywriter و Content Creator و Copyrights

1. معنى Content

كلمة كونتنت ترمز لأي نوع من المحتوى يمكن نشره على الإنترنت، يعني الصورة، الفيديو و النصوص.. كل دول كونتنت عادي

لو لسة شايف إن كلمة كونتنت تخص الكلام اللي بيتكتب في الإعلانات بس فاسمحلي أفاجأك ان مش النصوص بس اللي تعتبر كونتنت 😉

2. معنى Article

كلمة أرتيكل تُطلق على نص تم كتابته لمناقشة موضوع أو طرح فكرة و ليس له علاقة بأي غرض دعائي أو تسويقي أو بيعي

فطبعاً المقالات السياسية الاجتماعية إلخ.. كلها تندرج تحت هذا التصنيف

3. معنى Copy

كلمة كوبي هي كلمة غير مشهورة في مجتمعاتنا العربية و هي تعني أي نص تم كتابته بغرض دعائي

فلو حضرتك كتبت كلام هدفه وصف منتج أو الترويج لخدمة أو دفع الجمهور ناحية استخدام أو شراء شئ ما تبقى حضرتك كتبت كوبي

و معرفتنا لمعنى الكلمة دي يخلينا نفهم المصطلح التالي

4. معنى Copywriter

الكوبي رايتر هو شخص تخصص في كتابة نوع واحد من المحتوى وهو المحتوى النصي الدعائي

يعني حضرتك اسمك كوبي رايتر لو بتكتب نص دعائي لمنتج أو لخدمة

هنا تسألني سؤال
يعني انا كده مش كونتنت كرييتور ؟؟؟؟؟؟
و الرد طبعاً في التعريف التالي..

5. معنى Content Creator

الكونتنت كرييتور هو شخص قادر على انتاج نوع أو أكثر من المحتوى، و لو رجعت للنقطة رقم واحد هاتعرف إن الكونتنت كرييتور مش بس بتاع الكتابة.

أبسلوتلي.. الكونتنت كرييتور ممكن يبقى بيكتب كوبي أو بيصور صور أو بيصمم تصميمات أو بيصور فيديو أو بيعمل أفلام كرتون عادي جداً و ياخد نفس المُسمى

فاضل بس في البوست ده اننا نكتب بالإنجليزي كلمتين جنب بعض
Copyright - Copywriter

الكلمتين دول نطقهم تقريباً واحد
لكن احنا اتفقنا على واحدة منهم و فاضل نفهم الأخيرة في النقطة الجاية

6. معنى Copyrights

الكوبي رايتس هي حقوق الملكية الفكرية وهو قانون يحمي هذه الحقوق لأصحابها

أتمنى أكون ساهمت في فض النزاع الحادث بسبب الاختلاف على معاني هذه المسميات

#MarketerAziz
#بدون_تعقيد

ليست هناك تعليقات
إرسال تعليق

إرسال تعليق

الاسمبريد إلكترونيرسالة