مراجعة سماعة 8090 headphone حسب تجربتي الشخصية

الخلاصة

مراجعة سماعة 8090 headphone حسب تجربتي الشخصية

سماعه اسمها 8090 headphone انا جربتهاش شخصياً، سماعة رخيصة بـ 40 جنيه مصري، اشتريتها من المحل وجربتها، لذلك في المقال أعرض لك المميزات والعيوب و الخلاصه اتشتريتها أم لا.

مميزات 8090 headphone

  • السلك بتاعها مش كبير
  • فيها سلك واحد و ده بيشتغل ع اللاب توب عادي والموبايل
  • شغاله سماعه ومايك
  • السعر رخيص جداً
  • مناسبه جدا للناس اللي سنهم صغير زي ابتدائي مثلاً لأنها صغيره على رأسهم
  • صوتها عالي وضخم وواضح
  • فيها زرار تغيير الصوتيات سواء اغنيه او قرآن او اي حاجه من الصوتيات على الموبايل
  • المايك موجود في السلك، عكس السماعات اللي فيها مايك طالع لوحده، لان المايك اللي طالع ده ممكن يفصل لو السماعه ضعيفه او السلك مش كويس 
  • فيه عزل في المايك جميل بحيث ما يبقاش في دوشه مزعجه لو بتكلم حد مثلا او بتسجل بالمايك

عيوب 8090 headphone

  • السلك ضعيف
  • مفهاش الدوائر اللي بتريح الأذن لانها بتضغط جامد على الأذن ولازم تريح ودانك كل شويه لانها بتضغط على الاذن خصوصا اللي رأسهم كبيره، على العكس لو بستخدمها حد رأسه صغيره هيكون مقبول نسبياً
  • كنت بلعب لعبه بتعتمد على ان اسمع تحركات العدو سواء فوق او تحت او يمين او شمال، فيها عيب ان لازم اعدل السماعه لاتجاه معين، والمفروض ان السماعتين زي بعص ومفيش فرق. 
  • فيه فتحه صغيره في السماعه، مش عارف ايه السبب او ايه الفائده منها بس شكلها مش لطيف، خصوصا لو السماعه دخل فيها مايه بالغلط. 

بما ان الموقع اسمه الخلاصة ف انا هقولك الخلاصه

٤٠ جنيه مناسب جدا لسماعه زي دي وكويسه جداً لو معاك فلوس قليله ممكن تمشي نفسك بالسماعه دي


لو معاك ١٠٠ او ١٥٠ جنيه هات سماعه غيرها عشان تبعد عن عيوب السماعه دي


طيب ايه السماعه اللي مناسبه في السعر ده مثلاً من ١٠٠ إلى ١٥٠، عن نفسي جربت سماعه اسمها gigamax بلس كويسه جداً لسعرها وكنت شاريها ب١٥٠ جنيه وسعرها رخص بقت ب١١٠ جنيه، مش عارف دلوقتي سعرها كام


بس بعد استخدم تقريباً ٩ شهور للأسف جنب من السماعه فصل والتاني شغال مش عارف ليه، بس هي احيانا كانت بتقع مني والسلك يتشد مني، ممكن يكون ده السبب، بس هي بصراحه جميله ومريحه في الاستخدام


طيب السؤال هنا، تشتريها ولا لاء؟

الافضل لاء لانها عملت لي صداع جامد على مدار 3 ايام تقريباً بسبب استخدامها

author-img
الخلاصة

تعليقات

ليست هناك تعليقات
إرسال تعليق
    google-playkhamsatmostaqltradent